**********************
ഇന്നലെ
പലചരക്ക് കടയില്
പിണ്ണാക്ക് പൊതിഞ്ഞ
മരവിച്ച പത്രത്തിന്റെ
നാല് കോളം വാര്‍ത്തയില്‍
ആഗോള പ്രതിസന്ധി
ഞെരുങ്ങുന്നുണ്ടായിരുന്നു
പൂര പറമ്പിലെ
ചോര നിറമുള്ള
മിഠായി വില്പനക്കാരന്റെ
ചതുര പലകക്കടിയില്‍
ഒരു കെട്ടു പത്രത്തിനകത്ത്
ഹരിത വിപ്ലവം
സുഖനിദ്ര പൂണ്ടു
ബിവറേജ് ക്യൂവില്‍
നിന്നു വാങ്ങിയ
ബെക്കാഡി കുപ്പിയെ
കെട്ടിപിടിച്ചിരിക്കുന്ന
കടലാസിലെ
സോമാലിയന്‍ പട്ടിണി കോലങ്ങള്‍
ഇപ്പോള്‍ മരിച്ചിരിക്കാം
ഇന്ന്
കുടിയിറക്കപ്പെട്ടവന്റെ
പൂര്‍വികരുടെ നെഞ്ചത്ത്
ഗോള്‍ഫ് പന്തുരുട്ടി കളിക്കുന്ന
അഭിനവ മുതലാളിക്ക്
അടിവസ്ത്രമുണക്കാന്‍
വിശറിയായ് വീശുന്ന
നാലാം എസ്റ്റേറ്റ്
നാളെ
പണച്ചാക്കുകള്‍
നനച്ചിട്ട
വലിയ വാരിക്കുഴികളില്‍ വീണ്
നാലാം എസ്റ്റേറ്റ്
ഇടിഞ്ഞു പൊളിഞ്ഞു
നിലം പരിശായി വീഴും.....!!!!
1 comment:
നാലാം എസ്റ്റേറ്റ് തകരാന്‍ പാടില്ല
Post a Comment